ШҰҒЫЛ! САЯСИ КЕҢЕСТІҢ КЕҢЕЙТІЛГЕН ОТЫРЫСЫ Толығырақ

2019 ЖЫЛЫ САЛЫҚ ТӨЛЕУШІЛЕРДІҢ ЖАҢА САНАТЫ ПАЙДА БОЛАДЫ

20:54, 16 қараша 2018

Жаңа жылдан бастап салық төлеушілердің жаңа санаты пайда болады. Олардың қатарында импорттық тауарларды өткізетіндер,  экспедиторлар мен комиссионерлер және қосылған құн салығын төлеушілер бар. Аталған топтарға жататын кәсіпкерлер 2019 жылдан бастап электрондық шот-фактураларды уақытында тапсыруға міндеттелмек.

Заң нормасы орындалмаған жағдайда 20-дан 150 айлық есептік көрсеткіш мөлшеріне дейін әкімішілік жауапкершілік қарастырылған. Бұл шамамен 378 мың теңгені құрайды. Электрондық шот-фактураны 15 күнтізбелік күн ішінде жаздырып алған дұрыс. Оны тапсырмағандар бірінші рет ескерту алады, екінші рет 150 айлық есептік көрсеткіш мөлшеріне дейін айыппұл төлеуге міндеттеледі. Ал құжатты кешіктіріп бергендерге 20-дан 100 айлық есептік көрсеткішке дейін айыппұл қарастырылған.

АНАР ӘДИЕВА, СҚО БОЙЫНША МЕМЛЕКЕТТІК КІРІСТЕР БАСҚАРМАСЫНЫҢ БАСШЫСЫ:

- Қазірден бастап халыққа қызмет көрсету орталығынан цифрлық қолтаңбаны алып, салық органдарының электрондық жүйесінде тіркелу қажет. Жылдың аяқталуына бір жарым ай қалды. Салық төлеушілерге осы бастан электрондық шот-фактураларды толтыруды үйрене беру керек. Құжат қате толтырылған жағдайда оны жүйе  қабылдамауы мүмкін. Салдарынан электрондық шот-фактура тиісті жеріне жетпей қалады.

Электрондық шот-фактураларды толтыру әдісін қарашаның 19-ы өтетін семинарда үйренуге болады. Ақпараттық-түсіндіру шарасы облыс орталығында кәсіпкерлер палатасының ғимаратында өтеді.Семинарды онлайн тәртібінде қашықтықтан көру мүмкіндігі қарастырылған. Сондай-ақ, қажетті  ақпаратты мемлекеттік кірістер департаментінің сайтынан біле аласыздар .

Анықтама телефоны: 466050, 500064

Толығырақ ақпаратты төмендегі мекен жайлар бойынша білуге болады:

Петропавл қаласы Мир көшесі 85 үй, 38-ші кабинет

Тел.: 466684, 466050

Берік ҚАСЕН

Тақырып бойынша материалдар

 10 АЗЫҚ-ТҮЛІКТІҢ БАҒАСЫ ҚАТАҢ БАҚЫЛАНАДЫ
20:32, 20 тамыз 2019
10 АЗЫҚ-ТҮЛІКТІҢ БАҒАСЫ ҚАТАҢ БАҚЫЛАНАДЫ
Толығырақ...

Танымал жаңалықтар

САЯЖАЙ ӨНІМІ БАЗАРЛАРДА САТЫЛЫП ЖАТЫР
17:56, 20 тамыз 2019
САЯЖАЙ ӨНІМІ БАЗАРЛАРДА САТЫЛЫП ЖАТЫР
Толығырақ...