ШҰҒЫЛ! ҰЛЫ АБАЙҒА 175 ЖЫЛ: ТОЙЛАУ РЕСМИ БАСТАЛДЫ Толығырақ

ЕҢБЕК - БӘРІН ЖЕҢБЕК

20:37, 10 қыркүйек 2019

Қызылжар ауданы Боголюбово ауылында тұратын Фадиндер отбасы көпке үлгі. Үш ұлы және асырап алған бес қызы бар көпбалалы ерлі-зайыпты мал-құс өсіруді қолға алған. Олар «Бастау» жобасы бойынша оқыту курсынан өтіп, мал фермасын ашқан екен. Еңбекқор отбасымен арнамыздың түсірілім тобы танысты.

Дмитрий және Ирина Фадиндердің өздерінен туған 3 ұлдарынан басқа асырап алған 5 қызы бар. Көп баланы өсіріп жеткізу үшін жақсы табыс керек. Сол себепті Ирина мен Дмитрий «Бастау Бизнес» бағдарламасы бойынша арнайы курстардан өтеді. Әрқайсысына 250 мың теңгеден берілген грантқа сиыр, құрамажемді түйіршіктегіш құрал сатып алады. 

ИРИНА ФАДИНА, ҚЫЗЫЛЖАР АУДАНЫНЫҢ ТҰРҒЫНЫ:

- Басында сиырымыздың саны 4-5 болды, кейін курстан өтіп 9-ға дейін жеткіздік. Әрине іске кіріспес бұрын аздап күмән болды. Бұрын-соңды естімеген бағдарлама болғасын үрейлендік. Алайда, аудан әкімдігінде бізге қолдау көрсетілді. Курс аяқталысымен, өз жобамды қорғап шықтым. Грант ұтып алдым. Мен, жолдасым, үлкен ұлым барлығымызда мал шаруашылығын таңдап осы бағытта білімдерімізді шыңдадық.

Түйіршіктегіш құралмен Дмитрий құрама жем әзірлейді. Артылған жемазықты ауылдастарына да сатуды жоспарлап отыр. Жақын уақытта қияр, қызанақ өсіру үшін жылыжайдың құрылысын бастамақ. Дмитрий мен Иринаның айтуынша мал мен құсты өсіріп, баптауға бала-шағасы көмектеседі.

ДМИТРИЙ ФАДИН, ҚЫЗЫЛЖАР АУДАНЫНЫҢ ТҰРҒЫНЫ:

- Курстарды тәмамдаған соң түйіршіктегіш құрал сатып алдым. Басты мақсатым малды табиғи құрама жеммен асырау арқылы ауылдастарыма үлгі болу. Бұл жем дүкендегіден әлдеқайда пайдалы әрі табиғи. Қоспаларын бәрін өзіміз дайындаймыз.

Жалпы жыл басынан Қызылжар ауданында 83 адам аталмыш бағдарлама бойынша оқытудан өткен. Қыркүйек және қараша айларында тағы 115 адам курстан өтеді деп күтілуде.

Майгүл СЕЙІЛБЕК

Тақырып бойынша материалдар

САУМАЛКӨЛДЕГІ КӨПҚАБАТТЫ ҮЙЛЕРДІҢ ЖАҒДАЙЫ НЕ БОЛМАҚ?
17:52, 22 қаңтар 2020
САУМАЛКӨЛДЕГІ КӨПҚАБАТТЫ ҮЙЛЕРДІҢ ЖАҒДАЙЫ НЕ БОЛМАҚ?
Толығырақ...
КУРОРТТЫҚ АЙМАҚ ӨҢІР БАСШЫСЫНЫҢ НАЗАРЫНДА
17:46, 21 қаңтар 2020
КУРОРТТЫҚ АЙМАҚ ӨҢІР БАСШЫСЫНЫҢ НАЗАРЫНДА
Толығырақ...
ҚЫЗЫЛЖАР АУДАНЫ 100% АУЫЗ СУМЕН ҚАМТЫЛМАҚ
13:03, 20 қаңтар 2020
ҚЫЗЫЛЖАР АУДАНЫ 100% АУЫЗ СУМЕН ҚАМТЫЛМАҚ
Толығырақ...

Танымал жаңалықтар

2019 ЖЫЛДЫҢ ӘЛЕУМЕТТІК-ЭКОНОМИКАЛЫҚ ДАМУДЫҢ ҚОРЫТЫНДЫЛАРЫ ШЫҒАРЫЛДЫ
17:52, 17 қаңтар 2020
2019 ЖЫЛДЫҢ ӘЛЕУМЕТТІК-ЭКОНОМИКАЛЫҚ ДАМУДЫҢ ҚОРЫТЫНДЫЛАРЫ ШЫ...
Толығырақ...
ӘБУ ДОСМҰХАМБЕТОВТЫҢ СҮЙЕГІ ТУҒАН ТОПЫРАҒЫНА ӘКЕЛІНЕДІ
13:04, 21 қаңтар 2020
ӘБУ ДОСМҰХАМБЕТОВТЫҢ СҮЙЕГІ ТУҒАН ТОПЫРАҒЫНА ӘКЕЛІНЕДІ
Толығырақ...