ШҰҒЫЛ! ТӘРТІПКЕ БАҒЫНБАҒАНДАР АЙЫППҰЛ ТӨЛЕЙДІ Толығырақ

«БАЛА ТІЛІ - БАЛ» ОБЛЫСТЫҚ САЙЫС ӨТТІ

17:51, 15 мамыр 2019

Дәстүрлі түрде балабақшалар арасында өтетін «Бала тілі-бал» сайысының облыстық кезеңі өтті. Өңірдегі үздік деген 6 мекеме ұжымы жиналып, өз бақтарын сынады. Қатысушылар 2 кезең бойынша сынға түсті. Толығырақ арна тілшілері тарқатсын. 

Сайыстың басты мақсаты - балалардың қазақ тіліне деген сүйіспеншілігін арттыру. Аталмыш сайыс қалалық және облыстық кезеңнен тұрады. Қалалық кезеңге 12 балабақша қатысып, өздерін таныстырған. Олардың тек тең жартысы ғана қазылар шешімі бойынша облыстық кезеңге жолдама алыпты.    

ӘСЕМ СҮЛЕЙМЕНОВА, СҚО ӘКІМДІГІ ТІЛДЕРДІ ДАМЫТУ БАСҚАРМАСЫНЫҢ БӨЛІМ БАСШЫСЫ:

- Бұл байқаудың тақсаты балалрдың бойына отанды сүйуге, құрметтеуге, сахнаға шығып, жұрт алдында сөйлеу біруге үйрету.Тілдерді дамыту басқармасы ұйымдастырып отырғандықтан негізгі мақсат мемлекеттік тілдің қолданыс аясын кеңейту болып табылады.

«Бала тілі-бал»  сайысы осымен 4-ші жыл қатарынан ұйымдастырылып келеді. Әр балабақшадан  2 тәрбиеші мен 6 бүлдіршін қатысты. Оларға қойылатын талап, үш тілде сәлемдесу мен кез келген ертегінің желісі бойынша мемлекеттік тілде шағын көрініс көрсету.

Бірінші болып сахнаға  "Гулливер" балабақшасының тәрбиеленушілері шықты. Өткен жылы 2-ші орынды иеленген команда осы сайыста бас жүлдеден дәмелі.

МАТВЕЙ ВЕРБЛЮДОВ, «ЖҮЗДЕН ЖҮЙРІК, МЫҢНАН ТҰЛПАР» ТОБЫНЫҢ МҮШЕСІ:

- Мен балабақшаға барғанды ұнатамын. Мен ол жақта әрқашан сайыстарға қатысып, жүлделі орындарға ие боламын. Бүгінгі өнер көрсеткенім өзіме ұнады.

8 эстетикалық тәрбие мектеп-кешені жанындағы балабақша тәрбиеленушілері  де сайысқа тиянақты дайындалыпты. Алайда, ұранды жаттау қиынға соққанымен, көрініске дайындалу бізге ұнады дейді балақайлар.

ЕЛИЗАВЕТА МАЛЕЖИКОВА, «БІЛГІРЛЕР» ТОБЫНЫҢ МҮШЕСІ:

Біз 10 күнге жуық осы сайысқа дайындалдық. Би билеп, ән да айттық. Осы конкурста жеңімпаз атанғымыз келеді.

Сайыс ережесіне сай қалалық және облыстық кезең  жеке-жеке бағаланады. Үздік деп танылған балабақша ұйымдастырушылар  атынан бағалы сыйлықтармен марапатталды. Сонымен қатар, қалалық кезеңде де өнер көрсеткен топтар назардан тыс қалған жоқ

Жансая ҚАЙЫПОВА

Тақырып бойынша материалдар

ҚЫЗЫЛЖАР АУДАНЫНДА 12 МЕКТЕП ЖӨНДЕЛЕДІ
20:45, 28 мамыр 2020
ҚЫЗЫЛЖАР АУДАНЫНДА 12 МЕКТЕП ЖӨНДЕЛЕДІ
Толығырақ...
СТУДЕНТТЕРДІҢ ШӘКІРТАҚЫСЫ ЕКІ ЕСЕ АРТАДЫ
20:38, 28 мамыр 2020
СТУДЕНТТЕРДІҢ ШӘКІРТАҚЫСЫ ЕКІ ЕСЕ АРТАДЫ
Толығырақ...
БІЛІМ БЕРУ САЛАСЫН ЖАҢА РЕФОРМА КҮТУДЕ
13:01, 28 мамыр 2020
БІЛІМ БЕРУ САЛАСЫН ЖАҢА РЕФОРМА КҮТУДЕ
Толығырақ...

Танымал жаңалықтар