Бүгін сондай-ақ,  Президент Қасым-Жомарт Тоқаев бірқатар азаматтарға  жоғары әскери және арнаулы атақтар, сыныптық шендер беру рәсіміне қатысты. Атап айтсақ, Бас прокурор   Ғизат Нұрдәулетов пен оның орынбасары Марат Ахметжановқа  2-сыныпты мемлекеттік әділет кеңесшісі шені берілді. Ал полиция генерал-лейтенанты арнаулы атағы мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы  Алик Шпекбаев пен Ішкі істер министрі  Ерлан Тұрғымбаевқа берілді. Бұдан бөлек, қорғаныс министрлігі мен мемлекеттік күзет қызметінің және ұлттық қауіпсіздік қызметінің бірқатар қызметкерлеріне генерал-майор, генерал-лейтенант атақтары берілді. Ал Сәкен Бекжановқа контр-адмирал шені берілді. Мемлекет басшысы рәсімге қатысушыларды Отан қорғаушылар күнімен және Ұлы Жеңіс мейрамымен құттықтап, қарулы күштердің құрылу тарихына, ондағы Елбасының рөліне ерекше тоқталды.  

Сондай-ақ ел аумағының тұтастығы мен ұлттық мүддені қорғау секілді стратегиялық міндетті жүзеге асыруда  командирлер мен офицерлерге және  генералдар корпусына артылған жүк ауыр екенін айтты.

ҚАСЫМ-ЖОМАРТ ТОҚАЕВ, ҚАЗАҚСТАН РЕСПУБЛИКАСЫНЫҢ ПРЕЗИДЕНТІ