ШҰҒЫЛ! ЕЛБАСЫНЫҢ ТӨРАҒАЛЫҒЫМЕН ЖИЫН ӨТТІ Толығырақ

ПРЕЗИДЕНТ ЖОЛДАУЫ

13:01, 2 қыркүйек 2019

Бүгін тәуелсіз Қазақстан тарихындағы екінші президент Қасым-Жомарт Тоқаев алғаш рет ел халқына жолдауын жариялады. Президент сөз басында сайлау алды бағдарламамда халыққа берген уәдемді міндетті түрде орындаймын деп айтты. Соның бірі ретінде қоғам мен билік арасындағы байланысты нығайтып екі жақты диалогты күшейту үшін бірқатар жұмыстар қолға алынбақ. Президент алдағы уақытта митингтер туралы заңды жетілдіру керектігін де айтты. Конституцияға сәйкес, азаматтарымыз өз ойын еркін білдіру құқығына ие. Егер ондай акциялар заң мен азаматтардың тыныштығын бұзбайтын болса, заңда көрсетілген тәртіп бойынша митинг өткізуге рұқсат берілу керек. Ол үшін арнайы орын бөлу қажет деді Қасым-Жомарт Тоқаев.  Президент сондай-ақ парламентке зорлық-зомбылық, педофилия сынды ауыр қылмыстарға қатысты жазаны қатаңдату туралы тапсырма берді.

ҚАСЫМ-ЖОМАРТ ТОҚАЕВ, ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:

- Біз гуманмзацияға қатты мән беріп кетіп,азаматтардың негізгі құқықтарын ұмыта бастадық. Бізге есірткі бизнесі, педофилия, жыныстық зорлық-зомбылық және жеке тұлғаға қарсы жасалатын басқа да ауыр қылмыстарға қатысты жазалау шараларын қатаңдату қажет. Әсіресе балаларға қарсы жасалған қылмыстарға қатысты. Бұл жұмысты  Парламент пен Үкіметке тапсырмамын.

Тақырып бойынша материалдар

Танымал жаңалықтар