ШҰҒЫЛ! ЕЛБАСЫ ҮКІМЕТ БАСШЫСЫН ҚАБЫЛДАДЫ Толығырақ

ҚЫЗЫЛЖАР БАРЫСЫ АНЫҚТАЛДЫ

15:16, 8 мамыр 2019

А.Винокуров спорт сарайында қазақ күресінен дәстүрлі «Қызылжар барысы-2019» облыстық турнирі ұйымдастырылды. Аталмыш сайысқа өңіріміздің 30 балуаны қатысты. Бағы мен бабы қатар жүретін додада қара күш иелері 90 келі және одан жоғары салмақ дәрежесі бойынша сынға түсті.

Жарыстың қорытындысы бойынша бірінші орынды «Қызылжар арландары» спорт клубының мүшесі, қазақ күресінен әлем чемпионатының екі дүркін чемпионы, «Қазақстан барысы-2014» республикалық турнирінің алтын белбеу иегері Мұхит Тұрсынов жеңіп алды. Тәжірибелі спортшыға алтын белдік пен 500 мың теңге көлемінде ақшалай сыйлықты өңір жетекшісі Құмар Ақсақалов табыстады. Екінші орынға Петропавлдық Ернар Бегайдаров ие болды. Ол 300 мың теңгені иеленді. Ал үздік үштікті Уәлиханов ауданынан келген Алтынбек Аусағитов қорытындылады. Оған 200 мың теңге берілді. Енді 8 маусым күні Нұрсұлтан қаласында өтетін республикалық «Қазақстан барысы» жарысында облыс намысын Мұхит Тұрсынов пен Ернар Бегайдаров қорғамақ.

Нұрбол БАЛҒАБЕКОВ

Тақырып бойынша материалдар

Танымал жаңалықтар