Оған еліміздің ірі қалалары мен көршілес елдердің ғылыми-зерттеу институттары, университеттерінің өкілдері қатысты. Олардың жазған еңбектері арнайы журналда жарық көретін болады.

«Қазақстан халқы Ассамблеясы этноконфессияаралық келісімді нығайту мен дамыту институты іспеттес» атты ғылыми-теориялық конференцияның қонақтары  алдымен этномәдени орталықтардың  жұмысы көрсетілген  көрмені тамашалады. Сонымен қатар  қатар қонақтар М.Қозыбаева атындағы СҚМУ құрылған «Қазақстан халқы Ассамблеясы» кафедрасымен танысты. 

Ғылыми-теориялық конференияны  облыс әкімінің орынбасары Ерлан Әукенов ашып, шараның маңыздылығына тоқталды.

Конференция жұмысына  70 адам 62 ғылыми мақаласын ұсынған болатын. Олардың 12-сі шетелдіктер болса, қалғандары еліміздің Астана, Алматы, Қарағанды, Шымкент, Көкшетау, Екібастұз және Петропавл қалаларынан.   Материал авторларының 2-еуі академик, 15-і ғылым докторы, 21-і ғылым кандидаттары болып табылады.  Олардың барлығы   Қазақстан  қалаларының және көршілес елдердің ірі ғылыми-зерттеу институттары мен  университеттерінің өкілдері.

Аталмыш шара ғылыми-теориялық жобаларды  тәжірибеге енгізуге бағытталып, қазақстандық қоғамның бірігіп, нығаю үрдісін және этноконфессияаралық келісімді дамытуға септеспек.

 

Әсел ОРАЗБАЕВА