Петропавлда поэзия әлеміне қанат қаққан жас ақын Самрат Құскенов өзінің жүрек жарды туындысы «Жала мен жаза» атты жыр-жинағының тұсауын кесті. Іс-шара «Жанды кітап» жобасы аясында С.Мұқанов атындағы облыстық әмбебап-ғылыми кітапханасында тікелей эфирде ұйымдастырылды.

Жас ақынның «Інкәр жүрек»,   «Жала мен жаза» атты екі жыр жинағы бар.   Бірінде лирикаға бой алдырса, екіншісінде ол азаматтық ұстанымын білдіреді. Іс-шара барысында оқырмандар қауымы сұрақтарын қойды. Сұхбаттың соңында ақын қонақ кәде ретінде «Кітап оқы, шырағым» атты өлеңін оқып берді.

САМРАТ ҚҰСКЕНОВ, АҚЫН:

- 500 таралым. Осы Сәбит Мұқанов, Ғабит Мүсірепов және де  өзім туып, өскен Жамбыл ауданының орталығы Пресновка ауылының кітапханасында табылады.

ҚАЙЫРЖАН МӘЛІКОВА, С.МҰҚАНОВ АТЫНДАҒЫ ОБЛЫСТЫҚ ӘМБЕБАП-ҒЫЛЫМИ КІТАПХАНАСЫНЫҢ БӨЛІМ МЕҢГЕРУШІСІ:

- Әрине, кездесуге шақырудағы мақсатымыз оның шығармашылығымен, өзімен біздің оқырмандарымызбен таныстыру, және оның өлеңдерін насихаттау болып табылады.