ШҰҒЫЛ! «АҚ БИДАЙ-2022» ЖАЗҒЫ СПОРТТЫҚ МЕРЕКЕСІ БАСТАЛДЫ Толығырақ

«COOL INFINITI» ЖШС ЖЫЛЫНА 300 ТЕРМОС-ВАГОН ЖАСАП ШЫҒАРМАҚШЫ

20:50, 15 қаңтар 2021

Петропавлдағы «COOL  INFINITI» машина жасау компаниясы биыл 300 термос- вагон жасап шығармақшы. Өндірісте екінші жыл кәсібін өрбітіп отырған серіктестік бұған дейін Петропавл ауыр машина жасау зауытымен бірлесіп жұмыс атқарған. Ал бүгінгі таңда компания  бөлек цех сатып алып өндірісін кеңейтуде.

Термос - вагон  ТМД мемлекеттері арасында тек қазақстанда ғана шығарылады. Сондықтан да көрші мемлекеттер арасында жоғары сұрнысқа ие. Өткен жылы кәсіпорын 52 вагон жасап шығарған. Әр вагон құны 40 млн теңге. Экспортқа шығарылған өнім сомасы 2 млрд теңге. Биыл цех күрделі жөндеуден өткізіліп өндіріс көлемін кеңейтпек.

АҚАН КАРИМОВ, «COOL INFINITI» ЖШС БАС ДИРЕКТОРЫНЫҢ БІРІНШІ ОРЫНБАСАРЫ:

- «Биыл цехты күрделі жөндеуден өткізбекпіз. 20 мың шаршы метр аумақта жөндеу жұмыстары жүргізіледі. Өнімнің біразын экспортқа шығарамыз. Бірақ өз еліміздің нарығын да ұмытпаймыз. Өткен жылы «Маслодел» компаниясы бізден 10 вагон сатып алды.»

Күрделі жөндеу жүргізілгенге дейін серіктестік айына 20-30  термос вагон жасап шығармақшы. Ал жөндеуден кейін өндіріс көлемі  жылына 1200 -ге артпақ. Кәсіпорында өңірімізден 100 адам жұмыс істейді. Алдағы уақытта жұмыс орны  150-180 ұлғаймақ. Жұмысшылардың жалақысы 170 мың теңге. Кәсіпорында вагон құрастыру жұмыстары  екі цехта жүргізіледі. Біріншісінде өнімнің негізгі бөліктері жасалса, ал екіншісінде термос вагонды құрастырып толықтай аяқтау жұмыстары жүргізіледі. 

КОНСТАНТИН БАБИН, ШЕБЕР:

- «Мына цехта вагонды  құрастырып аяқтау жұмыстары жүргізіледі. Бұл жерге бізге вагонның қабырғалары, төбесі, алдыңғы бөліктері яғни барлық негізгі бөліктері жеткізіледі. Біз олардың бәрін құрастырамыз. Термос вагондардың ерекшелігі ол тез бүлінетін азық-түліктерді  қалпында сақтайды. Суық және жылы ауаны жақсы ұстайды. Өнім мұнда 10 күнге дейін еш бүлінбей  сақталады»

«COOL  INFINITI» ЖШС-гі Қозыбаев университетімен студенттерді кәсіпорында тәжірбиеден өткізуге және өндіріс орны қызметкерлері оқу орнында тыңдалымдар жүргізуге  келісімшарт жасасқан.

Аяулым ЖОЛМҰҚАНОВА

 

Тақырып бойынша материалдар

ОБЛЫСҚА ЖЫЛЫНА ШАМАМЕН 2 МЛРД ТЕКШЕ МЕТР ГАЗ ҚАЖЕТ
20:36, 26 сәуір 2022
ОБЛЫСҚА ЖЫЛЫНА ШАМАМЕН 2 МЛРД ТЕКШЕ МЕТР ГАЗ ҚАЖЕТ
Толығырақ...
«ЗИКСТО» МЫҢНАН АСТАМ ТЕМІРЖОЛ ПЛАТФОРМАЛАРЫН ШЫҒАРАДЫ
13:34, 2 наурыз 2022
«ЗИКСТО» МЫҢНАН АСТАМ ТЕМІРЖОЛ ПЛАТФОРМАЛАРЫН ШЫҒАРАДЫ
Толығырақ...

Танымал жаңалықтар