ШҰҒЫЛ! МӘЖІЛІС ДЕПУТАТТАРЫ КІРПІШ ЗАУЫТЫНЫҢ ЖҰМЫСЫМЕН ТАНЫСТЫ Толығырақ

БИЗНЕС СУБЪЕКТІЛЕРІН ЗАҢСЫЗ ТЕКСЕРІП ЖАТЫР МА?

13:10, 10 тамыз 2021

Кәсіпкерлердің құқықтарын қорғау және сыбайлас жемқорлыққа қарсы іс - қимыл жөніндегі кеңеске бизнес субъектілері шағымдарымен жүгінді. Олар мемлекеттік сәулет-құрылыс бақылау және лицензиялау басқармасы тарапынан заңсыз тексерулерді тоқтатуды сұраған. "Севстройнадзор" ЖШС басшылығының сөзінше, мемлекеттік органның талаптары жөнсіз. Мәселенің мәні келесі бейнематериалда. 

Соңғы 2 айда "Севстройнадзор" ЖШС басшылығы Кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңеске 4 рет жүгініпті. Себеп бір, негізсіз тексерулер.Аталмыш ұйым бірнеше жылдан бері сәулет және құрылыс нысандарын сараптаумен, жобалау-сметалық құжаттаманы әзірлеумен айналысады. Компания өкілі  Олег Хрупиннің айтуынша, дәл осы құжаттар мемлекеттік органның көзіне ілініп, тексерулер басталған. Ол облыстық МСҚБ және лицензиялау қызметкерлері бірнеше жылдан бері жұмыс істеп келе жатқан шағын және орта бизнес субъектілерін тексеруге мораторийді бұзып жатыр, дейді.  

ОЛЕГ ХРУПИН, КОМПАНИЯ ӨКІЛІ:

Бұл мәселе бойынша бірнеше отырыс өтіп, қаралды. Тек мемлекеттік органның өкілдері бір рет болсын сол отырыстарға қатысқан жоқ. Бұл факті бойынша шағымдар облыс әкімінің атына жазылды.    

Естеріңізге сала кетейік, 2020 жылдың 1 қаңтарынан бастап ҚР Президентінің Жарлығына сәйкес шағын және орта бизнес субъектілерін тексеру, профилактикалық бақылау және қадағалау тоқтатылған. Ал, кәсіпорынның қызметі халықтың өмірі мен денсаулығына жаппай қауіп төндіретін жағдайларда ғана бұл заң күшін жоймақ.

АЙДОС КЕНБЕЙІЛОВ, СҚО КӘСІПКЕРЛЕР ПАЛАТАСЫ БӨЛІМІНІҢ ЖЕТЕКШІСІ:

Кәсіпкерлердің құқықтарын қорғау жөніндегі кеңестің алаңында МСҚБ өкілдері болған жоқ. Тиісінше, бүгінгі таңда тексерулерді тағайындау заңдылығын анықтай алмадық. Бірақ аталған факті бойынша біз облыс әкімінің атына "Севстройнадзор" ЖШС тексеруді тағайындау туралы шешімді ұсыну немесе растау туралы өтініш дайындадық.

ИНЕССА КУАНОВА, КӘСІПКЕРЛЕРДІҢ ҚҰҚЫҚТАРЫН ҚОРҒАУ ЖӘНЕ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ЖӨНІНДЕГІ КЕҢЕСТІҢ ТӨРАҒАСЫ:

Біз  облыс әкімінің атына хат жазып отырмыз. Өйткені жыл басынан МСҚБ шағын кәсіпкерлік субъектілеріне бірнеше мәрте заңсыз тексерулер жүргізді.  Бұл дұрыс емес, шұғыл түрде тоқтату қажет.

Мемлекеттік органның әрекеттері заңды емес деп таныла ма, жоқ па әзірге белгісіз.

 Жанбота Естайқызы

Тақырып бойынша материалдар

ОБЛЫСҚА ЖЫЛЫНА ШАМАМЕН 2 МЛРД ТЕКШЕ МЕТР ГАЗ ҚАЖЕТ
20:36, 26 сәуір 2022
ОБЛЫСҚА ЖЫЛЫНА ШАМАМЕН 2 МЛРД ТЕКШЕ МЕТР ГАЗ ҚАЖЕТ
Толығырақ...
«ЗИКСТО» МЫҢНАН АСТАМ ТЕМІРЖОЛ ПЛАТФОРМАЛАРЫН ШЫҒАРАДЫ
13:34, 2 наурыз 2022
«ЗИКСТО» МЫҢНАН АСТАМ ТЕМІРЖОЛ ПЛАТФОРМАЛАРЫН ШЫҒАРАДЫ
Толығырақ...

Танымал жаңалықтар

ПЕТРОПАВЛДАҒЫ ЖЫЛУ ЫСЫРАПТАРЫ  БОЙЫНША ІСКЕ НҮКТЕ ҚОЙЫЛДЫ
13:02, 30 маусым 2022
ПЕТРОПАВЛДАҒЫ ЖЫЛУ ЫСЫРАПТАРЫ БОЙЫНША ІСКЕ НҮКТЕ ҚОЙЫЛДЫ
Толығырақ...