ШҰҒЫЛ! ҚАУІП СЕЙІЛМЕЙ ТҰР Толығырақ

ОБЛЫСТЫҢ ДАМУ ҚАРҚЫНЫ ЖОҒАРЫ

17:15, 22 шілде 2021

Өңірдің негізгі салаларында оң өсім бар. Әкімдікте облыстың бірінші жарты жылдықтағы әлеуметтік-экономикалық  дамуын қорытындылаған жиын өтті. Мәселен ауыл шаруашылығындағы өсім өткен жылдың сәйкес кезеңімен салыстырғанда 101,2% - ды құраған. Өнеркәсіп өндірісі 8 аудан мен Петропавлда қарқын алды. Осы аралықта 166 млрд теңгенің өнімі шығарылған. Тілшіміз толықтырсын.

Құрылыс саласында атқарылған жұмыс көлемі 5% - ға ұлғайған. Жалпы ауданы 83 мың шаршы метр болатын тұрғын үй ғимараттары тапсырылды. Тимирязев, Жамбыл, М.Жұмабаев, Ғ. Мүсірепов аудандары алда келеді. Аграрлық секторды дамыту жоғары деңгейде сақталған. Мал шаруашылығында ет өндірісі – 3,4% - ға, сүт өндірісі-7% - ға артты. Тайынша, Шал ақын, Ғ.Мүсірепов сияқты аудандарда ет өндірірісі  жоғары.

ЗИЯДДЕН МОЛДАҒАНАПОВ, ЭКОНОМИКА ЖӘНЕ БЮДЖЕТТІК ЖОСПАРЛАУ БАСҚАРМАСЫ БАСШЫСЫНЫҢ МІНДЕТІН АТҚАРУШЫ:

- Жыл  басынан жұмыртқа өндірісі  – 64,1% - төмендеген, бірақ оң өсім бар екенін атап өткім келеді. Жалпы, 1 жартыжылдықтың қорытындысы бойынша өнім өндіру 33% - ға төмендеген. Оның ішінде құс тұмауынан ең көп зардап шеккен Қызылжар ауданы басында 87,4% аз жұмыртқа шығарса енді оны 60,3% - ға дейін қысқартты.

Ауыл шаруашылығы саласына тартылатын инвестициялар көлемі ұлғайып келеді. Соңғы үш жылда бұл көрсеткіш 1,6 есеге өскен. Бұл салаға өңірдің барлық инвестицияларының жартысы тиесілі. Айта кету керек, облыс ел бойынша ауыл шаруашылығына инвестиция тарту бойынша көшбасшы болып табылады.

ҚҰМАР АҚСАҚАЛОВ, СОЛТҮСТІК ҚАЗАҚСТАН ОБЛЫСЫНЫҢ ӘКІМІ:

- Осының барлығы, бірінші кезекте, 12 сүт-тауар фермасының толық жобалық қуатына шығу есебінен қамтамасыз етілді, бүгінде оларға өңір шаруашылықтары өндіретін сүттің әрбір бесінші тоннасы тиесілі. Ағымдағы жылы 10 ауданда жалпы сомасы 31 млрд.теңгеге сүт кешендерінің құрылысы жүргізіліп жатыр. Осы жобаларды іске асыру 400-ден астам тұрақты жұмыс орнын құруға, сондай-ақ сүт өндіру көлемін ұлғайтуға мүмкіндік береді.

Облыста сумен жабдықтау көлемі 26,4% - ға, өңдеу өнеркәсібі 7,3% - ға, электрмен жабдықтау 10% - ға ұлғайып отыр. Ал, Мамлют, Ақжар, Уәлиханов аудандары өнеркәсіп өнімінің көлемін орындамаған.

ҚҰМАР АҚСАҚАЛОВ, СОЛТҮСТІК ҚАЗАҚСТАН ОБЛЫСЫНЫҢ ӘКІМІ:

- Құрылыс материалдарын шығаратын кәсіпорындарда өндіріс көлемі де ұлғайды. «Единство» ЖШС - 59% - ға яғни 651,5 млн.теңгеге, «Құрылыс материалдары зауыты» - 2,1 есеге яғни, 750 млн. теңгеге өнім көлемін арттырған. Аталған кәсіпорындар жалпы 1,4 млрд.теңгеге 2,4 мың тоннадан астам құрылыс материалдары мен металл құрылымдарын шығарды. Бұл жергілікті құрылыс жүргізушілерге жақсы қолдау.

Карантин және шектеу шаралары жағдайында облыс әлеуметтік-экономикалық дамудың оң динамикасын сақтауды жалғастырып келеді. Құмар Ақсақалов атап өткендей, І жартыжылдықтың қорытындысы мен қолда бар резервтер жыл қорытындысы бойынша да өсімді қамтамасыз етуге негіз болып табылады, бұл азаматтардың табысын арттыруға мүмкіндік береді.

Индира Ахатқызы

 

 

Тақырып бойынша материалдар

ДИҚАНДАР БИЫЛ ОРТА ЕСЕППЕН ГЕКТАРЫНАН 11 ЦЕНТНЕРДЕН ӨНІМ АЛДЫ
17:15, 21 қазан 2021
ДИҚАНДАР БИЫЛ ОРТА ЕСЕППЕН ГЕКТАРЫНАН 11 ЦЕНТНЕРДЕН ӨНІМ АЛД...
Толығырақ...
ӨҢІРДІҢ ӘЛЕУМЕТТІК-ЭКОНОМИКАЛЫҚ ДАМУЫНЫҢ ҚОРЫТЫНДЫСЫ
13:02, 20 қазан 2021
ӨҢІРДІҢ ӘЛЕУМЕТТІК-ЭКОНОМИКАЛЫҚ ДАМУЫНЫҢ ҚОРЫТЫНДЫСЫ
Толығырақ...

Танымал жаңалықтар

Қ.АҚСАҚАЛОВ: ЖАҢА ӘКІМ БҰРЫНҒЫДАН АРТЫҚ ЖҰМЫС ІСТЕУІ КЕРЕК
13:03, 15 қазан 2021
Қ.АҚСАҚАЛОВ: ЖАҢА ӘКІМ БҰРЫНҒЫДАН АРТЫҚ ЖҰМЫС ІСТЕУІ КЕРЕК
Толығырақ...