ШҰҒЫЛ! 10 АЙДА 865 МЛРД ТЕҢГЕНІҢ АУЫЛШАРУАШЫЛЫҚ ӨНІМІ ӨНДІРІЛДІ Толығырақ

«PFIZER» ВАКЦИНАСЫН МЫҢНАН АСТАМ СОЛТҮСТІКҚАЗАҚСТАНДЫҚ ҚОЙДЫРҒАН

20:37, 24 қараша 2021

"Pfizer" вакцинасын осы күнге дейін мыңнан астам солтүстікқазақстандық қойдырған. Коронавирусқа қарсы екпе алғандардың басым бөлігі - жасөпірімдер. Біздің түсірілім тобы №1 қалалық емхананың балалар бөлімшесіне барып, иммундау шарасын көріп қайтты.

Вакцина алсам, коронавирусқа қарсы иммунитетім қалыптасады дейді 16 жастағы Дариға Төлеген. Әуелі ата-анасының рұқсатын алған, енді бүгін екпе қойдырмақшы.

ДАРИҒА ТӨЛЕГЕН, ҚАЛАЛЫҚ №2 ОРТА МЕКТЕП ОҚУШЫСЫ:

- Үйдегілердің барлығы вакцина алды. Олар «Спутник V» екпесін салдырды. Біздің мектептен екпе алуға келісімін білдірген 3 оқушы келді. Басқалары әлі ойланып жатыр.

«Pfizer» вакцинасын салу тәртібі де ересектерге қойылатын екпенікіндей. Яғни, алдымен дәрігер келушілерге арнайы сауалдар қойып, анкета толтырады. Кейін жүрек соғысы мен қан қысымы тексеріледі. Тамақты да қарау қажет. Дәрігерлер Дариғаны медициналық тексерістен өткізген соң екпе қоюға болады деген шешім қабылдады. Негізі, иммундау шарасынан кейін әр адам 30 минут бойы мамандардың қарауында болуы тиіс. Айта кетейік, америкалық екпенің 1 данасы 6 дозадан тұрады.

СВЕТЛАНА ДАВЫДОВА, №1 ҚАЛАЛЫҚ ЕМХАНАНЫҢ ДӘРІГЕРІ:

- Қарашаның 17-сі күні №1 қалалық емханаға «Pfizer» препаратының - 60, ал 19-ы 102 данасы жеткізілді. Бүгінге дейін 80-ге жуық адам коронавирусқа қарсы вакцина қойдыртты. Оның 35-і -жасөспірімдер болса, қалғаны - бала емізіп жүрген келіншектер, тағы біреуі - жүкті әйел. Ал кеше «БЭСТ» гимназиясының 12 оқушысына екпе салдық. Жалпы, қарқын жаман емес.

Иммундаудан өткен жандардың барлығы өздерін қалыпты сезінген. Ақ халаттының сөзінше, кейбір солтүстікқазақстандық аналар балалар мен жүкті нәзікжандыларға арналған екпені тағатсыздана күткен екен. Өйткені, алдыңғы вакцина түрлері бұл жандарға арналмаған.

СВЕТЛАНА ДАВЫДОВА, №1 ҚАЛАЛЫҚ ЕМХАНАНЫҢ ДӘРІГЕРІ:

- Эпидемиолог маман ретінде коронавирустан екпе алу арқылы ғана сақтана алатынымызды еске салғым келеді. Тағы айта кетерім, америкалық препараттың адамдарға ешқандай кері әсері жоқ. Ішінде тек ақуыз ғана бар. Сондықтан, денсаулықты күтіп, қауіпті індеттен сақтануға шақырамыз.

Жалпы, бүгінге дейін өңірде мыңнан астам жан «Pfizer» вакцинасын алған. Оның 815-і - ұл-қыздар, 17-сі - жүкті және 270-ке жуығы бала емізіп жүрген аналар.

 

Тақырып бойынша материалдар

ОБЛЫСТА КВИ ЖҰҚТЫРҒАНДАР САНЫ  КЕМІДІ
13:04, 3 желтоқсан 2021
ОБЛЫСТА КВИ ЖҰҚТЫРҒАНДАР САНЫ КЕМІДІ
Толығырақ...
ВЕТЕРИНАРЛАР АТҚАРҒАН ЖҰМЫСТАРЫ БОЙЫНША ЕСЕП БЕРДІ
20:40, 2 желтоқсан 2021
ВЕТЕРИНАРЛАР АТҚАРҒАН ЖҰМЫСТАРЫ БОЙЫНША ЕСЕП БЕРДІ
Толығырақ...
СЕКСЕННЕН АСҚАН ЗЕЙНЕТКЕР ВАКЦИНАЦИЯДАН ӨТТІ
17:18, 2 желтоқсан 2021
СЕКСЕННЕН АСҚАН ЗЕЙНЕТКЕР ВАКЦИНАЦИЯДАН ӨТТІ
Толығырақ...

Танымал жаңалықтар

КОЛЛЕДЖ ОҚУШЫЛАРЫ КОРОНАВИРУСҚА ҚАРСЫ ВАКЦИНА АЛДЫ
20:46, 30 қараша 2021
КОЛЛЕДЖ ОҚУШЫЛАРЫ КОРОНАВИРУСҚА ҚАРСЫ ВАКЦИНА АЛДЫ
Толығырақ...
ӨҢІРДЕ «БАСТАУ БИЗНЕС» ЖОБАСЫ АЯСЫНДА 8 МЫҢҒА ЖУЫҚ АДАМ ОҚУДАН ӨТТІ
17:20, 30 қараша 2021
ӨҢІРДЕ «БАСТАУ БИЗНЕС» ЖОБАСЫ АЯСЫНДА 8 МЫҢҒА ЖУЫҚ АДАМ ОҚУД...
Толығырақ...
№2 ҚАЛАЛЫҚ ЕМХАНАДА 200-ГЕ ЖУЫҚ АДАМ "COMIRNATY" ВАКЦИНАСЫН АЛДЫ
13:05, 30 қараша 2021
№2 ҚАЛАЛЫҚ ЕМХАНАДА 200-ГЕ ЖУЫҚ АДАМ "COMIRNATY" ВАКЦИНАСЫН...
Толығырақ...